الولاد دول صعبين جداااااااااااا!!!!!!!!!!!!

من طرف Dr Noor الجمعة ديسمبر 07, 2007 7:29 pm

لو عاملتيه حلو يقولوك واقعة فى هواه

وان معبرتيهوش يقول عليكي مغرورة ومناخيرك في السما

لو لبستي حلو واتشيّكتي يقول بتعمل كده عشان تلفت نظري ليها ولو انتي عمليّة شوية يقول عليكي فلاّحة
لو اتناقشتي معاه هيقول عليكي عنيدة
ولو سكتّي هيقول عليكي مخك فاضي
لو انتي أذكى منه هيدّيكي الوش الخشب
ويا سلام لو هوّ اذكى منك..
هتتفرّجي
لو مش بتحبيبه هيحاول
يتملّكك
ولو انتي بتحبيه وكنتي عبيطة وبيّنتى حبك ليه بسرعة هيحاول
يسيبك
لو قلتيله
على مشاكلك هيقول عليكي مزعجه
ولو مقولتيش هيقول انك مش بتثقي فيه
لو حاولتي تنصحيه هيقول عليكي عايزة تتحكمي فيه
ولو هو اداكي أمر (قصدي نصيحة !!!) ده لانّه بيخاف عليكي
لو حصل ووعدتيه بحاجة ومعملتيهاش هتبقي مش موضع
ثقة
اما هوّ لو خلف وعده فده غصب عنه.. اضطر
لو انتي حليتي حلو فى الامتحانات يقولك ده حظ
اما هو لو حل حلو يقولك ذكـاء
لو جرحتيه تبقى قاسية ومعندكيش

قلب
اما لو جرحك فيقولك انتي
حساسة اوي ومكبرة الموضوع وهوّ
مايستاهلش؟؟
لو قريتي الموضوع ده وبعتّيه لحد من الولاد هيقول
مش صحيح
ولو قرتيه ومبعتيهوش هيقول انك انانية
الأحسن انك تقريه وتبعتيه لولاد وبنات برضه عشان يقولوا:
رأيهم
معانا
عشان احنا طبعا ديمقراطيين واللى مش هيعجبوا هيقول بنات آخر زمن
مش
عاجبهم حد

من طرف Alaa_ZaKi الجمعة ديسمبر 07, 2007 7:32 pm

والله كلامك صح ميه فى الميه
كل الولاد كدة مش الولاد بس والله لا الرجال الكبار لان دايما البنت مظلومه

من طرف I_AM_LEGEND السبت ديسمبر 08, 2007 12:16 am

بنات أخر زمن!!!!!! مش عاجبهم حد

على فكرة ياجماعة مش كل الولاد كدة خالص... بس طبعا في ولاد بتفكر كدة وبتتعامل بالطريقة ديه مع البنت , وده طبعا سببه ضعف في شخصيتة اللي هي اصلا المفروض تكون بالفطرة قوية ,,, فلما يلاقي ان هو شخص ضعيف كدة بيبدأ يتعامل مع البنت بفطرته اللي المفروض تكون قوية مش بعقله فبينكر كل حاجة تعملها البنت وبيعترض عليها عشان يبقى هو الأقوى حتى لو عملت حاجتين متعاكسين هيعترض عليهم هم الاتنين زي مابينتي في الموضوع , لانه لو اتعامل بالعقل هيظهر ضعفه ...

بس ده مايمنعش طبعا ان في ولاد كتير عاقلين جدا في تعاملهم مع البنت ..ممكن يقبل وجه ويعترض على الاخر وممكن يقبل الاتنين يعني مثلا لو شفت بنت عمليه انا بحترمها جدا وعمري مااقول عليها فلاحة ,, ولو بنت على طول ساكته عمري ماهقول عليها مخها فاضي بالعكس ,ولو بنت نصحتني ايه المشكلة في كدة , هفكر في كلامها ولو صح ممكن اتبعه. وهكذا ,

يعني مش كل الولاد كدة خالص, واغلب الولاد مش كدة طبعا

من طرف Dr Noor السبت ديسمبر 08, 2007 12:22 am

ده تفكيرك انت يا دكتر احمد
لكن اكيد في كتير غيرك من الاولاد بيتصرفوا زي الموضوع
وممكن ابسط حاجه انهم لا يمكن يتقبلوا نصيحه من بنت
عامه تفكيرك سليم ويااااريت كل الاولاد تاخد الموضوع ببساطه
زي حضرتك

من طرف aya ahmed mahmed السبت ديسمبر 08, 2007 12:55 am

شكرا يا نور واللة الموضوع دة جية صح وكل كلمة فية صح

وهوة اة ان مش كل الولاد كدة بس الاكتيرية كدة

ومش اى ولد يسمع لبنت او ست حتى ولو اختة او

ممتو لانهم حاسين انهم على طول صح

ومفيش حد يجى ويعدل عليهم وطبعا

مش كل الولاد كدة لان لكل قاعدة شواذ

من طرف زائر السبت ديسمبر 08, 2007 12:41 pm

لا بجد الموضوع ده جامد انا قولت فى موضوع قبل كده ان كل المواضيع فى الموقع سورى يعنى ***********بس بجد جميل الموضوع ده انا اول مره اقرا على فكره موضوع كامل بس فعلا زى ما احمد بيقول مش كل الولاد كده ومش اى بنت فعلا مبتتكلمش يبقى دمغها فاضيه على فكره اى بنت اشوفها كده اقول عليها شخصيتها كبيره كده واكبر من سنها وحاجه تانيه لو بنت انا حبيتها وهى محبتنيش ببساطه هنفضلها واكرفها Twisted Evil