تحــــــب تدبــــــــــح مـــــــــــين؟؟؟

بصراحة يا جماعة انا قريت الاسبوع ده في مجلة الاسماعيلي موضوع لقيته شيق بصراحة وعجبني قوي
وقلت افتح بيه توبك هنا وكل واحد يقول رايه ......

وهو بمناسبة عيد الاضحي لو كل واحد فينا دلوقتي معاه سكينة وهيضحي في العيد تحب تدبح مين

بصراحة انا كنت عايز ادبح حاجات كتير قوي بس فضلت ان كل واحد فينا يدبح حاجة واحدة او اتنين عشان كلنا نشارك في الدبح

اول حاجة احب ادبحها هي الفقر لاني متاكد ان 90 % من مشاكل وصراعات البشر وارتكاب المعاصي والذنوب اساسها الفقر
عشان كده انا نفسي اضحي بالفقر عشان ميبقاش في حد محتاج

تاني حاجة احب ادبحها هي الظلم لاني بصراحة بكره الظلم جدا ومحبش اشوف حد مظلوم او حد بيظلم حد واعتقد برضه ان ده هيخف مشاكل وضغائن واحقاد كتير جدا بين البشر

ودلوقتي ياريت كل واحد فيكم يقول نفسه يدبح ايه علي العيد ؟؟؟

فى البدايه احب اشكرك جدا يا على على الموضوع الرائع دا

بجد موضوع حلو اوى وبجد هيخلينا نتخلص من حاجات كتير مسببه لينا المشاكل

انا بالنسبه لى انا عاوزه اضحى بحاجات كتيير اوى بجد هى سبب كل الصراعات فى حياتنا

بس انا هكتفى باتنين بس عشان كل واحد يقدر هو كمان يضحى زى ما على التوارجى قال

اول حاجه انا نفسى اضحى بيها بقى هى ( الصراعات ) وما يندرج تحتها من حروب ، وانتهاك لحقوق الشعوب الاخرى .....، وغيرها الكثير من الكلمات التى لها صدى سيى وسلبى فى حياتنا

من هذه الصراعات التى تطورت الى الاستعمار و انتهاك حقوق الشعوب الاخرى ما حدث فى العراق وفلسطين وانا اعلم جيدا ان لا احد مننا يرضى بهذه المهزله ......ولكن ان الله يضرب الظالمين بالظالمين ... والنهايه اتيه باذن الله لهذا الظلم

الحاجه التانيه اللى نفسى اتخلص منها هى ( الحقد ) لان بجد دى حاجه وحشه اوى ولها اضرار وسلبيات كتير ويكفى انها تولد العداء بين الناس فمن الافضل ان يرضى كل منا بما قسمه الله لنا

ألف شكر ليك يا محمد علي كلامك الجميل ده

وبشكر كل من مها وأبوهاشم واسلام وألاء علي ردودهم الرائعة