ظلم الثانوية العامة

من طرف وردة المنتدى السبت يوليو 26, 2008 8:07 pm

انا كنت عاوزة اكتب الموضوع ده من زمان

عن ظلم الثانوية العامة

مش بس فى التصحيح لأ وكمان فى الامتحانات

تخيلوا ان الامتحانات جات صعبة وقولنا ماشى عادى محصلش حاجة

هايعوضوها فى التعليم لكن كمان التعليم يبقى مش حلو وبالذات المواد العلمية

كل العلمى السنة دى حولوا أدبى تخيل انك تكون علمى وتجيب فى الستينات

وتعبت طول السنة وجه عليك الظلم فى الامتحانات والتعليم وتشوف الاقل منك فى المستوى العلمى جاب اعلى منك

الظلم ده هايفضل لامتى طول ما احنا ساكتين هاننظلم اكتر وكل ده علشان الجامعات الخاصة

تشتغل والناس اللى مستواهم متوسط مش معاهم الفلوس اللى تدخل ولادهم جامعات خاصة مستقبلهم يضيع

ويكرهوا نفسهم وحياتهم لمجرد انهم اتظلموا لفقرهم ويعيش طول عمره وهو حاسس بالظلم

فين التعليم ؟

اللى بيقولوا عليه نفسى اشوف التعليم بتاع الزمان

ياريت اعضاء المنتدى يردو على الموضوع ده

منتظرة الردود

من طرف dody السبت يوليو 26, 2008 10:35 pm

شكرا اويييييييي على الموضوع يا ورده بجد موضوع مهم جدا

و فعلا دلوقتى كل حاجه بالفلوس خلاص مش عاوزين غير الجامعات الخاصه
لما بنت السنه اللى فاتت جابت 99 و شاطره جدا و دخلتاالامتحان السنادى البنت زهلت معرفتش
اى حاجه خالص المدرس معرفش يحل الامتحان
لما المدرس معرفش البنات و والولاد تعمل ايه
و اللى يغيظ بقى ان الامتحانات تتوزع على ناس
و فى الاخر يقوله نعيد الامتحانات تانى بعد ايه
لا بصراحه عمله اللى عليييييييهم

من طرف وردة المنتدى السبت يوليو 26, 2008 11:49 pm

شكرا يا دودى على ردك

وبجد لما السنة دى فى التفاضل يجيبوا مسئلة مش فى المنهج خالص نعمل ايه وفى الاخر يقولوا انه سؤال اختيارى اللى مش عجبه ياخد واحد تانى واللى قبله بردو فى مسائل صعبة بجد اول مرة اشوف مهزلة فى الثانوى زى السنة دى

من طرف عصفور الجنة السبت يوليو 26, 2008 11:53 pm

بجد يا وردة عندك حق فى كل القولتى لكن هتعملوا ايه

لو ليكوا وزير محترم وبيعرف ربنا المهزلة دى لايمكن تحصل

من طرف Alaa_ZaKi السبت يوليو 26, 2008 11:57 pm

شكرا ليكى يا وردة انك فتحتى موضوع زى دة مهم اوووووى
وانا اول واحدة اتظلمت فى التصحيح دة انا كنت متخيله ان انا لو اتظلمت اووووووووى هاجيب حاجه وتمنين متوصلش للسبعينات يعنى
واتصدمت صدمه كبيره اوووووووى
واتصدمت فى اصحابى اللى فى علمى وادبى مكنتش متخيله انهم يجيبوا النتايج دى
بس الحمد لله على كل شئ
بس الكلام مش هيفيد فى حاجه كل اللى اقدر اقوله
حسبى الله ونعم الوكيل

ويارب يوفقنا ونقدر نجيب مجموع عاااااااااالى اوووى السنه الجايه عشان اقدر ادخل الكليه اللى انا عيزاها
وفى الاخر احب اشكر وردة تانى على الموضوع الهاااام اووووووى دة
وياريت البلد تتهتم بينا شويه لان الظلم انتشر اووووووووووووى

من طرف dody السبت يوليو 26, 2008 11:58 pm

كل سنه الثانوى بتبقى الامتحانات صعبه

بس السنادى الامتحانات مكنتش بتتحل

لما نقعد نذاكر و نسهر و نتعب و ندخل الامتحان نلاقى حجات مش فى المنهج

انا لو حصل معايه كدا هموت فيهاااااااااااا

بجد حرام بعد المذاكره طول السنه و التعب و السهر

ندخل الامتحان نلاقى اسئله متتحلش مخدنهاش قبل كدا

لما المدرس يغم عليه من الصدمه مش عارف يحصل الامتحان

احناااااا نعمل ايه نموت نفسناااااااااااااااااااااااااااا

من طرف وردة المنتدى الأحد يوليو 27, 2008 12:02 am

شكرا يا عصفور على ردك

وشكرا ليكى يا الاء
وبجد عندك حق هى كلمة واحدة

حسبنا الله ونعم الوكيل

بس تخيلى انى فى واحد مقفل جميع المواد وجاب 2 فى الكيمياء

وكان بيطلع من اوائل الجمهورية كل سنة وعمل تظلم ولاقى ورقه متبدل

مقابل رشوة وقالولى ينتظر 10 ايام ورفع قضية

اللى بيحصل فى البلد ده مهزلة ومحدش حاسس

من طرف أية الأحد يوليو 27, 2008 12:03 am

أشكرك جدا يا وردة علي طرح هذا الموضوع للمناقشة

وفعلا المشهد إللي حصل السنة دي مهزلة وفضيحة لمنظومة التعليم ككل في مصر

انا رايي عن السبب من وراء صعوبة امتحانات المواد الشعبة العلمية ليس فقط لتنشيط الجامعات الخاصة وإن كان من الدوافع الهامة لكن اعتقد أن سياسة الحكومة من وراء ذلك هو محدودية الاماكن في كليات العلمية وقلة الإمكانيات وطبعا ده عيب اوي لما نقول كده علي مصر بس فعلا ده الواقع يعني انا هكلم عن إللي شايفاه في كليتي مثلا بالرغم من إنها مش كلية عملية اوي بس مساحة الكلية لا تسمح باكثر من 300

طالب دفعتي حوالي 600 طالب مش قادرة اوصفلكوا مدي المشاكل إللي بتواجهها إدارة الكلية ما فيش اماكن تستوعب الاعداد ولا إمكنايات تتيح تعليم علي المستوي كفاءة

ودي في حد ذاتها كارثة لما ناس بتسرق بالملايين ومش عارفين يطوروا التعليم ولا يوفروا إحتياجات الكليات وفي الاخر يظلموا الناس ويجبوا إمتحانات تعجيزية بحجة إن كليات القمة لا تستوعب سوي اعداد محدودة ولازم تيجي الامتحانات بهذا المستوي لكي نقلص اعداد المتقدمين لكليات القمة ودي فعلا حجة غير منطقية خالص بس هي أعتقد فكر وسياسة الحكومة

من طرف وردة المنتدى الأحد يوليو 27, 2008 4:13 pm

شكرا يا جماعة على ردودكم

بس بجد انا كنت مضايقة من الكوسة فى التعليم وتسريب الامتحانات

واللى عرفته بعد امتحان الكيمياء انه اتسرب فى الاسماعيلية ب 500 جنيه

تخيلوا ان واحدة مامتها مدرسة كيمياء وتجيب ملحق كيمياء وهى والله شاطرة

وكتير زيها واللى اقدر اقوله ربنا على المفترى

ظلم الثانوية العامة

ظلم الثانوية العامة

رد: ظلم الثانوية العامة

رد: ظلم الثانوية العامة

رد: ظلم الثانوية العامة

رد: ظلم الثانوية العامة

رد: ظلم الثانوية العامة

رد: ظلم الثانوية العامة

رد: ظلم الثانوية العامة

رد: ظلم الثانوية العامة