فيديو- الشعب ده فقير ولا قليل الأدب

من طرف I_AM_LEGEND السبت مايو 17, 2008 4:54 pm

أنا مش هقول أي حاجة غير:.........

ديه بجد قلة أدب, وعمر ما كان الجوع بيعمل كدة.

وهنتظر رأيكم بعد المشاهدة
... جايز يكون ليكم رأي تاني

من طرف Maha Hegazy السبت مايو 17, 2008 5:02 pm

بصراحه يا احمد انا مش عارفه ارد اقول ايه بعد اللى شوفته دا
مش عارفه اضحك ولا ازعل ولا ايه
فعلا ... " هم يضحك وهم يبكى ..."
دى منتهى الفوضه والهمجيه والله
بس الغريب ان المزيع بيقول ان دا مش فى مصر بس
كمان بيحصل فى دول اروبيه مش عندنا بس
بس بجد دى " منتهى الفوضى والاستغلال "

من طرف I_AM_LEGEND السبت مايو 17, 2008 5:07 pm

Maha Hegazy كتب:بصراحه يا احمد انا مش عارفه ارد اقول ايه بعد اللى شوفته دا
مش عارفه اضحك ولا ازعل ولا ايه
فعلا ... " هم يضحك وهم يبكى ..."
دى منتهى الفوضه والهمجيه والله
بس الغريب ان المزيع بيقول ان دا مش فى مصر بس
كمان بيحصل فى دول اروبيه مش عندنا بس
بس بجد دى " منتهى الفوضى والاستغلال "

شكرا يا مها على ردك , وفعلا الواحد مش عارف يضحك ولا يزعل , بس انا بصرحة
ضحكت اوييييييييييييييييييي , لأن - شر البلية ما يضحك -

وأعتقد يامها ان عمرو أديب لما قال انه بيحصل في العالم العربي كله , ماكانش يقصد الفوضى ديه لكن اكيد كان قصده ان نظام الدعاية ده بيحصل في كل المولات الكبيرة في العالم العربي - انهم يرخصوا حاجة معينة عشان يزودوا نسبة شرائها -
بس أكيد ما حدش بيعمل كدة

وحتى لو كان هو قصده ان الفوضى ديه بتحصل في العالم العربي كله , فده اكديد مش مبرر ان ده شئ مقبول

لا طبعا ديه فوضى وقلة أدب وتصرف للأسف ما يصدرش غير من شخص عربي عامة ومصري خاصة

من طرف tefa السبت مايو 17, 2008 6:22 pm

no comment

وبس

من طرف a7mad 7eseen الأحد مايو 18, 2008 1:05 am

على فكره انا وجه نظري مختلفه خالص بجد ......المصري أصلاً معروف بعدم نظامه وده مش عشان حاجه رخصت ده حتى لما بيدفع فلوس وفي زحمه بيبقى همجي جدا اي طابور وزحمه في مصر = همجيه وقله نظام يبقى الي حصل ده شيء عادي صح ولا غلط ومن الاخر الناس دي بتعمل كده من قله الحيله والغلا الي احنا مش حسيين بيه اوي زي الناس الي مرتبهم 200 و300 جنيه معلش يعني لازم كان يعملوا كده 80% من المصريين تحت خط الفقر يا جماعه يبقى مش عايزين ده يحصل طب ازاي .....؟ ومعلش يعني دي ولا قله أدب ولا حاجه والله حتى شكلهم كلهم كده غلابه وربنا يستر من الي جاي بكره نشوف ده على المياه والحاجات الي احنا عملين نسرف فيها وساعتها لما تكون محتاج بقى مش هتفكر في طابور ولا تحضر ولا اي حاجه من الحاجات دي .
اتمنى ان رأي ميكونش زعل الناس الي رأيها مختلف في الموضوع ده بس والله الدافع عند الناس دي اكبر من النظام والطابور والتحضر.

من طرف I_AM_LEGEND الأحد مايو 18, 2008 1:23 am

لا طبعا يا احمد رأيك ما زعلش حد خالص
كفاية كلامك الجميل

بس معلش يا احمد عمر ما حد يقدر يقول ان قلة الفلوس = الجوع = الهمجية

لكن ممكن نقول ان قلة التربية + الجوع = الهمجية

والناس اللي احنا شايفنها في الفيديو دول سواء كانوا اغنية او فقراء او فقراء جدا فهم متخلفين جدا جدا جدا
وصورة سلبية جدا للمواطن المصري وللفرد المسلم خاصة .

وعمر ما دينا ولا مجتمعنا سمح لينا باننا نعمل كدة

ياحمد ده المسلمين في الغزوات ما كانوش بيلاقوا نقطة مية يشربوها ولا حاجة ياكلوها
وكانوا بيقسموا التمرة الواحدة عليهم كلهم وكل واحد بيفضل اخوه على نفسه

ودول بيموتوا بعض عشان كيس سكر وازازة زيت - بجد عيب اويييييييييييي
دول مش موتوا بعض بس دول باعوا ولادهم , ده واحد منهم نسي ابنه بين الناس ديه كلها عشان خاطر جنيه ونص

ياريت ما يكونش رأيي انا اللي ضايقك بس بجد انا مش شايف للي حصل ده اي مصطلح غير قلة الادب

من طرف a7mad 7eseen الأحد مايو 18, 2008 1:50 am

معلش برضه الجوع يعمل اكتر من كده انتا بتنادي في قضيه تانيه خالص " النظام والتحضر" والناس دي ميهمهاش الا لقمه العيش ليها ولعيالها وهما هيخدوا ايه من التحضر والنظام ومعلش برده الجوع بيعمل اكتر من كده بكتيير ومش المصري بس اي بني آدم ومن الاخر المنظر الي مش عاجبك ده بيحصل كل يوم في طابور العيش وياما سمعنا عن ناس موتت بعض عشان رغيف عيش بشلن مش ازازه زيت ب 4 ولا ب5 جنيه هتقول قله تربيه او قله وعي برده الي بيعمل كده ميهموش غير انه يعيش وانتا سايب قله قدب من كل فئات المجتمع الكبير والصغير الشاب والعجورز الولد والبنت المسئول والموظف المطحون البلد كلها مليانه وجاي على الفقير الي مش لاقي ياكل عشان نزل تخفيض وعمل العادي بتاع المصري العادي بس ده مقتلش حد وجاي تقول قله أدب يبقى ازاي.......؟

بص يا ابو هاشم من الاخر السلوك ده مرفوووووض طبعاً بس الدافع عند الفقير اكبر من السلوك واكبر من اي حاجه في البلد لان دافعه هو انه يعيش مش اكتر ولا اقل

وشكراً على وجه نظرك وموضوعك النقاشي الي هو ده المفروض يكون عليه اي موضوع في المنتدى

من طرف I_AM_LEGEND الأحد مايو 18, 2008 1:56 am

أحمد ,, ممكن أسألك سؤال :

انت ممكن تعمل كدة في يوم من الايام

..!؟

من طرف a7mad 7eseen الأحد مايو 18, 2008 2:10 am

انتا برضه مصمم انك تحكم على الجانب السلوكي بس........ بقولك من الاخر ميحسش بالاحساس ده الا الفقير الي مش لاقى ياكل واكيد لو اي حد مش لاقى وعرف ان في تخفيض على سلع اساسيه وهو مش لاقى اكيد هيعمل كده وبعدين هما عملوا ايه زحمه عى حاجات رخيصه من ريحه الايام الحلوه وكل همه مش السلوك عياله وبيته اهم من السلوك ولو انتا برضه مصمم لازم تاخد الموضوع من كل الجوانب وعلى فكره الفيديو عادي جدا ده على كده بقى لما نعدي من جنب فرن عيش بيحصل فيه اكتر من كده برضه هنقول ايه قله الادب دي ...............!

وعلى فكره الظروف بتحكم الانسان انه يغير من سلوكه لو الدافع اكبر من السلوك والدافع هنا من اساسيات الحياه ................هواء- ماء- غذاء

من طرف I_AM_LEGEND الأحد مايو 18, 2008 2:21 am

يا احمد والله انا معاك , وكلامك مقنع جدا وما قلتش اي حاجة غلط
بس احنا كلنا نفسنا ان الشعب ده يبقى كويس في كل حاجة , يبقى معاه فلوس وبياكل وبيشتغل وعايش حياة نظيفة وفي نفس الوقت منظم ومحترم

عشان كدة انا كنت بكلم في قضية النظام, انا مش قصدي خالص ان الشعب ده مرتاح , لا طبعا انا عارف جدا ان الشعب تعبان ومش لاقي ياكل, وعارف ان 99.5% من موارد بلدك متوزعة 0.5% من شعبها .

لكن انا اللي خلاني اكلم في قضية النظام واسيب موضوع الفقر والجوع.

ان - الحمد لله - رغم اننا من الطبقات الفقيرة , الا اننا بناكل وعايشين بتيسير من ربنا

لكن الحاجة الوحيدة اللي كلنا مفتقدينها هي النظام والسلوك الاجتماعي والاخلاقي , لان كتير اوي مننا سواء كان فقير او غني بيفتقد السلوك ده ومعظمنا اتربينا على اننا نبقى فوضوفين جدا .

عشان كدة انا حبيت افتح الموضوع ده من الباب ده ..

والا انا كنت ممكن وانا بضيف الموضوع اكتب العنوان : (والله حرام اللي عاملينه في الشعب الغلبان ده )

وكان هيبقى العنوان جميل , وكان الكل هيوافقني عليه , وهتلاقي كل الردود متعاطفة مع الناس اللي في الفيديو وانا كمان كنت هتعاطف معاهم , لانهم كانوا هيبصلها من جهة الجوع والفقر والظروف الصعبة وديه قضية اصلا احنا مش محتاجين اننا نفتحها , لان كلنا شايفينها , بل ... حاسينها .

لكن انا بصيت للموضوع من الجهة ديه , عشان افتح قضية تانية خالص , كلنا شايفينها لكن متجاهلينها , وهي الفوضى في كل حاجة
وزي ما انت قلت انها موجودة في كل حاجة , في اي طابور هتلاقي فيه فوضى في المحلات والافران وحتى البنوك .

ياريت تكون فكرتي وصلتك صح , وماتكونش معترض معايا في فكرتي , زي ما انا مش معترض معاك خالص في اي كلمة انت قلتها

من طرف a7mad 7eseen الأحد مايو 18, 2008 2:31 am

من الاخر كده انا بحب المواضيع النقاشيه هيا دي المواضيع الناجحه الي الواحد يقول فيها وجه نظر قابله للنقاش وبكده الموضوع يبقى مهم مش مواضيع تانيه كل واحد يخش يجامل التاني بشكراً وموضوع جميل وشكراً على الردود

هوا ده المنتدى الصح

ولو ده كان قصدك انا بحييك لان فعلا الموضوع ده انا استغربت وجه نظر الناس فيه لانه غير قابل للنقاش أصلا وفعلاً العنوان الصح اللي انته قلته ..... وسلوك ايه يا راجل هيا الناس لاقيه تاكل.... السلوك ده يا رب يتمحي من الوجود وممكن لان دلوقتي معظم الدول العربيه بقت الى حد ما متحضره واي شعب عايز سلوكه يتغير لازم يبدأ من التعليم يعني في أمل لو التعليم انصلح ممكن السلوك ده يتغير

من طرف I_AM_LEGEND الأحد مايو 18, 2008 2:37 am

فعلا يا احمد الموضوع حلو وجامد جدا
.
.
.
ومش حلو وجامد عشان انا اللي عامله , لا ,,, بصراحة انت اللي خليته يبقى موضوع جامد بكلامك وبمناقشتك فيه.

وفي الاخر كلنا بنتمنى للشعب ده انه يبقى أجمل شعب في الدنيا ,
وفعلا ياحمد احنا محتاجين تعليم نظيف , نفسنا مناهجنا تتغير والطريقة التربوية تتظبط وتتطور عشان كل حاجة في البلد تتظبط , لكن احنا حظنا وحش بقى, وعشان تبان ثمرة التطوير في التعليم لازم ننتظر جيل كامل , يعني احنا شكلنا مالناش نصيب في التقدم ده

وبجد مرة تانية , انا متشكر جدا ياحمد انك نورت الموضوع برأيك

فيديو- الشعب ده فقير ولا قليل الأدب

فيديو- الشعب ده فقير ولا قليل الأدب

رد: فيديو- الشعب ده فقير ولا قليل الأدب

رد: فيديو- الشعب ده فقير ولا قليل الأدب

رد: فيديو- الشعب ده فقير ولا قليل الأدب

رد: فيديو- الشعب ده فقير ولا قليل الأدب

رد: فيديو- الشعب ده فقير ولا قليل الأدب

رد: فيديو- الشعب ده فقير ولا قليل الأدب

رد: فيديو- الشعب ده فقير ولا قليل الأدب

رد: فيديو- الشعب ده فقير ولا قليل الأدب

رد: فيديو- الشعب ده فقير ولا قليل الأدب

رد: فيديو- الشعب ده فقير ولا قليل الأدب

رد: فيديو- الشعب ده فقير ولا قليل الأدب