إلى نجم الإعلام الجديد عصام باشا الحضري

من طرف aly_eltawargy الأربعاء مارس 05, 2008 2:19 am

الموضوع ده انا قررت اني اكتبه بعد كمية الاخبار المتدوالة في الصحف ووسائل الاعلام ومختلف المواقع الالكترونية سواء كانت رياضية او لا , عن الحارس الدولي عصام الحضري الذي انتقل مطلع الاسبوع الماضي الي نادي سيون السويسري بطريقة مفأجئة وغير شرعية تماما مما جعل عودته الي القاهرة امر محتوم منه ........

ولا احد يعلم ما هو مصير الحارس عصام الحضري الان هل سيرحل الي نادي سيون ام يبقي في النادي الاهلي وخصوصا بعد الحديث الذي نقلته وسائل الاعلام بالامس عن ان الرئيس مبارك يطلب من النادي الاهلي السماح للحضري بخوض تجربة الاحتراف ؟!؟!؟

مش هطول عليكم اكتر من كده اسيبكم دلوقتي مع القصيدة ويارب تعجبكم ........

إلى نجم الإعلام الجديد عصام باشا الحضري

إلى نجم الإعلام الجديد عصام باشا الحضري 751699388

هيصــة ويخمــة خبـــر مجنون
ضجــة كبيرة ف نـادي سيــون
حارس مرمـى اسمـه الحضري
قلـــب الكفـــة وبقــا شمشـــون
هيصــة ويخمـــة خبــر مجنون

وف كــل جريــدة بقــا مكتـــوب
قرب يا بنـــي مـــزاد منصــوب
بـدأ أمبـارح لســــه ... يــــدوب
وأهــه دلـوقتــي بقالنــا زبــون
هيصـــة ويخمـــة مزاد مجنون

ف كــــل جـــريدة تلاقي كــــلام
إن الحضـــري بقـــا فانــــــــدام
ســـرق النجمـــة مــــن الإعلام
كـــــــل جريــــــدة وتلفــزيــون
ضجة كبيــرة مـــزاد ملـــــعون

قالوا الحضري ده أصله بتاعنـا
كلمـــة كبيـــرة ورمــز ومعنــى
واللــي يقـــرب مـــن مرتعنـــــا
يلقى حياته ف وســط شجـــون
هيصـة كبيـــرة مــزاد مجنــون

مش هنسيب الحضــري يــروح
ذوق او عافيـه كــلام بوضــوح
حتـــى ولــــو جبنـــاه مدبـــوح
داحنا الأهلـي يا نــادي سيــون
هيصــة ويخمـــة خبــر مجنون

أصـل الأهلـي ده نــادي جـواهر
واسـأل عنـــه حمــدي وزاهـــر
راح يقـــولولك ناقــي وطاهـــر
أصلــه ده نادي الميت مليـــون
هيصــة ويخمـــة خبــر مجنون

من طرف mohamed sharaf الأربعاء مارس 05, 2008 2:37 am

الموضع جميل اوى مشكور

من طرف alaa الأربعاء مارس 05, 2008 10:34 am

حلوة جدااااااا تسلم إيديك بجد عبرت بكلام بسيط وموجز عن كل ما قيل في الوسائل الإعلامية
بجد الموضوع جميل أوي انا كنت منتظرة أي عضو يكتب عن هذا الموضوع
وعن الضجة الرهيبة إللي في وسائل الإعلام انا والله حسيت إن كل مشاكل مصر أتحلت وما فيش مواضيع تتناقش في وسائل الإعلام غير موضوع الحضري
أشكرك علي الموضوع وعلي القصيدة جميلة أوي

من طرف aly_eltawargy الأربعاء مارس 05, 2008 4:29 pm

في الاول احب اشكر الردود الجميلة من محمد شرف وألاء , وخصوصا ألاء علي ردها الجميل ده ........

وبصراحة يا جماعة الموضوع ده أخد اكبر من حجمه في الفترة اللي فاتت وللاسف غطي علي انجازات رياضية هايلة حققتها مصر خلال الشهر اللي فات في 3 لعبات وحصولها في علي بطولة افريقيا في كل من لعبة كرة القدم وكرة اليد وكرة الطائرة وهذا لم يحدث اطلاقا لمصر علي مدار تاريخها الرياضي كله

لكن للاسف انشغلنا بكل هذه الاحداث الرياضية الجميلة بحدث رياضي غريب من نوعه , واعتقد اننا نحن ما جعلناه غريب لان ببساطة شديدة مشكلة اللاعب عصام الحضري ومسألة هروبه من ناديه (رغم ان مدة تعاقده لم تنتهي بعد) مشكلة متكررة ليست فقط في مصر بل في مختلف انحاء العالم عامة , ولا اجدها صراحة تستحق كل هذه البلبلة التي حدثت في الفترة الماضية !؟!؟!؟

من طرف alaa الأربعاء مارس 05, 2008 9:10 pm

الموضوع كبر أوي في وسائل الإعلام بشكل مبالغ فيه حسسوني إن الحياة وردية والمشاكل انتهت وبقينا عايشين في سلام ورخاء وما فيش أي موضوع يصلح للمناقشة غير عصام الحضري لو الإعلام اعطي للمشاكل إللي في حياتنا نفس المساحة الإعلامية إللي أعطوها لعصام الحضري كانت اتصلحت حاجات كتير في مجتمعنا بس للاسف الإعلام حاليا أصبح مضلل للشعوب بالرغم إن الهدف الأسمي للإعلام تنوير عقول الشعوب بس من الواضح إن الهدف بدأ ينحرف عن مساره الطبيعي وأصبح وظيفته تهيف عقول الشعوب
إللي انا مستغرباه إني نفسي إللي بدرسه في الكلية أشوفه مطبق فعلا في الإعلام والله ما فيش غير جزء بسيط جدا إللي بيطبق
واخلاقيات العمل الإعلامي خنقنا بيها في الكلية محاضرات وندوات وما بشوفش الكلام ده مطبق منه إلا قليل جدا
والله الواحد أتشتت الدراسة في مجال والواقع مختلف عنها تماما
انا فريت اتجنن والله
يعني مفروض موضوع زي موضوع عصام الحضري كان تناولته وسائل الإعلام بشكل مختلف تماما عن إللي حصل ده
بجد إللي حصل ده مهزلة وظلم للطرفين لعصام الحضري وللجمهور
بشكرك جداااااا يا علي علي الموضوع

إلى نجم الإعلام الجديد عصام باشا الحضري

إلى نجم الإعلام الجديد عصام باشا الحضري

رد: إلى نجم الإعلام الجديد عصام باشا الحضري

رد: إلى نجم الإعلام الجديد عصام باشا الحضري

رد: إلى نجم الإعلام الجديد عصام باشا الحضري

رد: إلى نجم الإعلام الجديد عصام باشا الحضري