الشارع المصري

من طرف alaa الإثنين فبراير 18, 2008 7:42 pm

فكرة الموضوع إني فكرت أعرف إيه أكثر الظواهر الغريبة والسيئة التي نراها في الشارع المصري

ممكن كل عضو يكتب ما هي الظاهرة الغريبة التي شاهدها واستاء من مشاهدتها في الشارع

ولو في استاطعتكم التفكير في حل وحتي لو تصورتوا أستحالة تحقيق الحل ممكن تكتبوه التفكير في حل لظاهرة أعتقد إنها محاولة إيجابية جداا

وطبعا ما اكثر الظواهر السيئة في الشارع المصري عايزين مجلدات لكتابتها

اتمني تفاعل من الاعضاء في المناقشة

انا هبدأ بس من كثرة الظواهر السلبية التي اشاهدها مش عارفة أبدأ منين والله بقيت بتمني اشاهد أي شي في الشارع يسعدني

هبدأ بالميكورباص وما أدركوا ما هي الميكوباص ليس له وصف ما اتعرفش راكب في ميركوباص ولا في علبة رديئة جدااااااا قاعد علي حديد واحمد ربنا لو لقيت الحديد ومضطر وانت مرعوب من شكله وحاسس إنه هيكون اخر يوم ليك في الحياة سرعة رهيبة كأنك طاير بطيارة نفاسة ونيجي عند الألفاظ واسلوب سواقين الميكروباص حاجة بشعة فوق الوصف لأني مهما اتكلمت مش هعرف اوصف مدي تدني الاسلوب

ومضطر تركب بالرغم من كل إلي بيحصل

منتظرة مشاركاتكم

اتمني إن الموضوع يكون عجبكم

من طرف I_AM_LEGEND الإثنين فبراير 18, 2008 8:26 pm

الموضوع جامد اوي يا الاء , بجد شكرا على المواضيع اللي بتناقشيها دايما ديه , فعلا كلها مهمة جدا

وانا بصراحة كنت محتاج موضوع زي ده من زمان عشان اخرج في كل طاقتي , عشان انا بصراحة في حاجات كتير اويييييييييييييييييييييييي خانقاني في الشارع المصري ونفسي اكلم عنها كتير , بس للاسف الموضوع جاي في وقت انا مشغول اوي فيه ومش هعرف اكلم عن حاجات كتير بس ان شاء الله هحاول كل شوية اضيف حاجة واكلم فيها

بس دلوقتي هكتب اهم حاجة فعلا انا مستاء منها وخنقاني مووووت , ووممكن يكون في ناس مش اخدة بالها منها او حاسين ان الموضوع تافه

ان العيال الصغيرة بقوا ولاد..... , ولسانهم بقى طويل اوي , وفعلا بقالي كتير اوي ما شفتش طفل متربي
لدرجة اني بقيت بخاف والله اهزر مع عيل صغير لاحسن يرد عليا رد وحش ولا ممكن يتخانق معايا حتى ولا يحرجني
ده غير الألفاظ اللي ما بقيتش بتتحد بسن او وسط معين , بل بقيت متدوالة في كل الاوساط وبكل الأعمار
وبالعكس ,بقيت بسمعها اكتر من الاطفال .
وعلى فكرة الظاهرة نفسها مش مضايقاني اوي , قد ما مضايقني اني مش قادر اوصل لسبب للموضوع ده
وما اقدرش اقول انه خطأ في التربية , او سوء ادارة من الأهل , لان ام الطفل اللي في الشارع المصري ده هي هي ام اخوه المهندس , او اخوه المدرس او اخوه الطالب الجامعي المحترم .يعني معنى كدة ان تربيتها كوييسة وان الخطأ مش منها .
كمان الظاهرة ديه مش ظاهرة أسرة واحدة,, , لا .... ديه ظاهرة جيل كامل . ونفسي اعرف السبب.
***

بجد الجيل ده جرئ اوي ولو نستغل جرائته صح هناخد منه كتير اوي بس ما اعرفش هو ليه وصل لكدة !!!!!!!!!!!!!!!!

من طرف tefa الإثنين فبراير 18, 2008 10:16 pm

شكرا يا الاء علي الموضوع الحلو ده
ولو هنتكلم عن المشاكل
فالمشاكل ده اكتر حاجة بقي الواحد بيلقيها في يومه العادي
والمشكلة الي انا مضيق منها اووووووووووووووووووووووووووووووووووووووووي ومستغرب منها
هي الاسفلت الي كل شوية بيغيروه
مع ان الطرق وخاصة في الاسماعيلية جميلة
يس برده لازم يغيروها
نفسي اعرف ليه
حرام عليكم الفلوس ده البلد مليانه غلابة

من طرف raghda_hassen الإثنين فبراير 18, 2008 10:52 pm

شكرا جدا يا الاء على الموضوع دة بجد رائع
انا بردو شايفه ان الشارع المصري فى حجات كتييييييييييييييرة وحشه
بس اكتر حاجه بتلفت نظرى ان الشوارع مش نظيفه خالص مليانه قزورات وبصراحه المنظر
نفسه غير مستحب بالمرة
دة غير ان مفيش نظام وانا مع احمد فى حكايه ااطفال الجريئه وبتقول الفاظ مش كويسه وانا شايفه
انه البيت هو العامل الاساسى فى التربيه ممكن الاطفال دول يكونو متأثرين بأصدقائهم فى
الشارع بيحاولو يقلدو مش اكتر وانهم بيردودو الكلام حتى لو مش فهمينه وهنا بقي دور البيت
عشان تعرفهم ايه الغلط وايه الصح
واخيرا وليس اخرا هى(( المعاكسات)) دى بجد بضيقنى اوى لان بحس انها تفاهات

من طرف lamis الإثنين فبراير 18, 2008 11:36 pm

merci gedan ya alaa 3la elmawdo3 da ana aktr 7aga bday2ny w5sosan elteps aw elakramya zay ma by2olo lazem adfa3 llbwab 3shan ma y3tlsh elasanser we fe kol 7ta tb3an tol ma ana 5arga 7aga bashe3a

من طرف alaa الأربعاء فبراير 20, 2008 8:13 pm

انا حبيت أضيف أيميل برنامج العاشرة مساءا وبرنامج لقاء الأسبوع علي قناة الساعة لمن أراد أن يرسل الظواهر السلبية التي تمتلئ بها شوارع مصر إلي وسائل الإعلام

el3ashera@dreams.tv إيميل العاشرة مساءاً

إيميل برنامج لقاء الأسبوع لمصطفي بكري علي قناة الساعة

likaa@assaa.tv

من طرف أية الخميس فبراير 21, 2008 12:18 am

انا اكتر حاجة بتضايقنى فى مصر الناس الى بترمى زبالة فى الشارع
والزحمة الى فى القاهرة باقت فوق الاحتمال

من طرف alaa السبت فبراير 23, 2008 3:41 pm

من الظواهر السلبية و الكثيرة جدا في الشارع المصري إنعدام الحياء عند البنات والشباب بجد أصبحت ظاهرة مسيئة جدا أصبحت أجد البنات والشباب لغة الحوار بينهم السباب والشتائم كأنها اصبحت ده الطبيعي في الحوار واري إنهم حتي بينادوا بعض بالشتائم وبقيت لغة رسمية وطبيعية في حياتهم ولم يحترموا حرمة أي مكان لدرجة إن الظاهرة دي أصبحت اشاهدها في الجامعة دون أحترام لقدسية ومكانة وسمو هذا المكان والذي يدعو للأستغراب إن هؤلاء الشباب من طالبة جامعة الذي يقال إنهم أفضل الناس في البلد ومتعلمين ومثقفين يعني الموضوع ليس مرتبط بالاميين أو الطبقة الدنيا في البلد بل تجد مستويات عالية تعليميا واقتصاديا هو ده أسلوبهم في الحوار بجد الظاهرة دي بتسيئني وبتقرفني جدا .

نفسي أعرف ما الذي حدث لشباب وبنات مصر أين قيمنا ؟أين مبادئنا؟أين أخلاق المصريين التي كانت سمة في المصري ؟

هؤلاء الذين يفترض إنهم مسؤلين أن يرفعوا من قدر اللغة العربية ويسمو بها هم الذين يقضون علي أعظم لغة في التاريخ لغة القرأن الكريم .

والله اللغة العربية هتبكي من ضياع مفرداتها ومعانيها البديعة علي أيدينا؟

نفسي أعرف ما الذي طرأ علي مجتمعنا وأدي إلي انحلال أسلوب الحديث بين الناس لهذا الحد.

الشارع المصري

الشارع المصري

رد: الشارع المصري

رد: الشارع المصري

رد: الشارع المصري

رد: الشارع المصري

رد: الشارع المصري

رد: الشارع المصري

رد: الشارع المصري