صيانة السيارة للمبتدئين

من طرف A7mad Alkady الجمعة سبتمبر 14, 2007 12:44 am

[size=29]نصائح عامة

* كل يومين تروح الصبح تفتح قربة المية وتشوف لو المية نقصة تملاها ضرورى جدا

* قبل ما تخرج بالعربية تبص على العجل لو لقيته ناقص هواء روح أظبطو و لو كانت الحكاية
دى متكررة خلى الراجل يشوفلك لو العجلة فيها خرم أو البلف مخروم و يلحملاك الخروم دى
و الحكاية دى مهمة لأنك لو ماشى بالعربية و العجل مش مظبوط الدريكسيون هيتقل
و كمان لو جيت تدى فرامل العربية هتلف معاك

* نصيحة دايما حاول تملا العربية بنزين و المؤشر عند الربع
لأن البنزين فى مصر فى شوائب كتير
فلما بتسيب العربية لأخر نقطة كده بتساعد أن فلتر البنزين يتسد بسرعة

* العربيات الجديدة كلها لما بتدورها الصبح بتلاقى ال RPM بيجى على واحد أو أعلى شوية
ده لأنها بتسخن نفسها أتوماتيك سيبها تسخن لحد لما تلاقى صوت الموتور بقى واطى و ال RPM قل
و تلاقى أمبير الحرارة على و ساعتها أتحرك عادى
و الحكاية دى مهمة جدا لأن العربية و هيا وقفة الزيت اللى فى المكنة بينزل لتحت
فلما بتسخن العربية الزيت بيتقلب جواها و الحديد بيتمدد و بيخلى الزيت يتخل فى جميع أنحاء المكنة
فلو أتحركت من غير تسخين للمكنة الأحتكاك هيزيد جوه المكنة و هتقلل من عمرها

__________________________________________________

البطارية

البطارية السائلة... أى بطارية جديدة بيبقى معاها ضمان سنة
بتروح كل شهر للمحل اللى أنتا شاريها من عنده بيزودهالك ماء مقطر بدون فلوس
لو قديمة لازم تبص كل فترة على مستوى المية فى كل عين من عيون البطارية
لو لقيتها نقصة روح للكهربائى و هوا هيزودهالك ماء مقطر و يغسلك القطب السالب بالمية المغلية
و يشحمه لأن الأملاح بتتجمع علية و ساعات بتغلس لما تيجى تدورها

البطارية الجافة....دى ملهاش صيانة ولا حاجة بس متهيألى بتشحم القطب السالب
و تنضفة من الأملاح بماء مغلى كل فترة (أنا مجربتهاش بصراحة)
دى ليها وقت معين يعنى بتبوظ ما بين 3 الى 5 سنين ولا زم تتغير علطول

__________________________________________________

فلتر البنزين

تغيرو لما تحس أن سحب العربية قل عن الأول
أو ثبت وقت معين يبقى أحسن يعنى كل 3000 كيلو حلو أوى لأن البنزين فى مصر مليان شوائب كتير

__________________________________________________

فلتر الزيت

تغيرو كل 6000 كيلو ....يعنى مع تالت تغيير لزيت المكنة أو مع تانى تغيير (4000)حسب فلوسك

__________________________________________________

فلتر الهواء

لما تحس أن العربية سحبها تقل و بتاكل بنزين زيادة و مبتشدش روح للمكانيكى و خلية يشوفهولاك
ممكن ينضفو بس و ميكنش محتاج تغيير
و فى ناس بتشوف شاكله لو لقوا الورق بتاعه بقى ملفوف أو مقوس يتغيرو
و ممكن تثبت فترة برضوا لتغيرو يعنى كل 3000 الى 5000 كيلو كدة

__________________________________________________

تغير الزيت

أنا بجيب زيت موبيل بيعد 3000 كم لكن لازم تغيرو كل 2000 للأمان لأن الجو فى مصر حر
و اللزوجة بتاعت الزيت بتخف و كمان أنا سمعت أن الزيوت دى بتبقى مغشوشة فللأمان غيرو كل 2000 كم .....ضرورى جدا تفتكر ممكن تظبط العداد بتاع الرحلات اللى بيقيس المسافة اللى العربية بتمشيها

__________________________________________________

زيت الجير

معظم الناس بتغيرو عند 10,000 كيلو لكن أنا كل ما بروح أغير زيت المكنة بخلى الراجل يشيك عليه للأطمئنان

__________________________________________________

زيت الكرونة

معظم الناس بتغيرو عند 10,000 كيلو لكن أنا كل ما بروح أغير زيت المكنة بخلى الراجل يشيك عليه للأطمئنان

__________________________________________________

تيل الفرامل

العربيات الجديدة بيبقى فيها لمبة بتبين لو كان خلص و لا لأ
و بشكل عام لو لقيت الفرامل ضعفت أو فى صوت صفارة لما بتدوس على الفرامل
روح للعفشجى يشوفهولك هوا و زيت الفرامل و كل فترة كدة أبقى بوص على زيت الفرامل
لو لقيتو بينقص يبقى غالبا التيل بيتأكل و تروح تشوفه

__________________________________________________

الترصيص و زبط الزوايا و الأتزان

لو فى عجلة أتخرمت عندك و حطيت الأستبن لازم تروح فى أسرع و قت ترصص العجل
لأنها بتعمل مشاكل فى العفشة خصوصا فى العربيات الجديدة

ظبط الزوايا مهم جدا لأن ناس كتير لما بتيجى تركن جنب رصيف و لا حاجة بتحك العجل فى الرصيف
أو لو خبط العجل فى طوبة كبيرة مثلا و طبعا الحفر اللى مليا الشوارع بتأثر برضوا
علشان كدة لازم كل فترة تروح تعمل ظبط زوايا و أتزان يعنى كل شهرين كدة
و ظبط الزوايا مهم لأن لو العجل مش مظبوط لما تيجى تضرب فرامل العربية هتلف منك

__________________________________________________

بشكل عام الحاجات اللى ملهاش وقت معين زى فلتر الهواء بتبقى أنتا و أحساسك
يعنى حسيت العربية تقلت مش رادية تسحب فيها حاجة متغيرة روح للمكنيكى
وهوا يشوف بس يكون ثقة علشان ميلعبش بيك و يخدعك

Engine V8 > > > > > > المحرك 8 سلند
420 hp > > > > > > عدد الأحصنة
372.9 kw / 500.1 bhp @ 9500 rpm > > > > > > السرعة /العزم / عدد لفات المحرك
body : Carbon Fiber Monocoque > > > > > > هيكل السيارة
weight 1000 kg / 2205 lbs > > > > > > الوزن وممكن تلاقي الأبعاد
transmission 6-Speed Gearbox > > > > > > ناقل السرعة
Max Speed > > > > > > السرعة القصوى
0-100 Km > > > > > > التسارع لحد 100 كم

من طرف I_AM_LEGEND السبت سبتمبر 15, 2007 4:22 am

جميل يابو حميد بس فيه مشكله .... انه لازم يتنقل لان مالوش اي علاقة خالص بالصور ,, انا لما قرأت العنوان قلت هدخل الاقي صور عربيات ولا حاجة ,, لاقيت الموضوع حاجة تانية خالص عشان كدة هيتنقل مكانه الصح ,, المنتدى الترفيهي

من طرف saada السبت سبتمبر 15, 2007 10:53 am

我听不懂

من طرف mizo21 السبت سبتمبر 15, 2007 4:14 pm

为什么马哈默德

الكلام جميل وسهل والقاضى عامل شغل زى العسل

من طرف saada الأحد سبتمبر 16, 2007 10:59 am

因为我没有车

من طرف A7mad Alkady الثلاثاء سبتمبر 18, 2007 9:07 pm

ايه يا جماعه خلاص عربياتكم كلها فيراري و مايباخ وجامده مش محتاجه حاجه.
والله لو التزم الواحد باالكلام دا هيشوف سحب العربيه والتوازن بتاعها عامل ازاي
يعني انا كنت دايما من بعد الحادثه الي عملتها كانت العربيه مبتسحبش ومفيش توازن لكن بعد ما اخدت باالكلام دا رغم انه مكلف شويه بعد ما كانت بتجيب 110KM\H
دلوقتي بتجيب سرعات كويسه باالنسبه لنسبه الcc الموجوده
وطبعا اجمد عربيه تتركب ويتعمل بيها اي حاجه KIA CEPHIA
لان موتور العربيه دي معدل ومحسن جدا و بتجيب 100KM\Hفي 7 ثواني بس وان شاء الله ها احط صورها

من طرف A7mad Alkady الجمعة نوفمبر 09, 2007 7:03 pm

نفسي حد يا جماعه يعرفني ازاي بنزل صور للمنتدي عشان حاولت ومش عااااااااااااارف

من طرف islam_Alkady الجمعة نوفمبر 09, 2007 11:08 pm

ابقي تعالي بااليل...........
وانا اوريك الويييييييل

صيانة السيارة للمبتدئين

صيانة السيارة للمبتدئين

رد: صيانة السيارة للمبتدئين

رد: صيانة السيارة للمبتدئين

رد: صيانة السيارة للمبتدئين

رد: صيانة السيارة للمبتدئين

رد: صيانة السيارة للمبتدئين

رد: صيانة السيارة للمبتدئين

رد: صيانة السيارة للمبتدئين