الخبر الذي افجع شباب مصر والاسماعيلية خصوصا

من طرف aly_eltawargy الأحد يوليو 13, 2008 6:45 pm

الخبر الذي افجع كل شباب مصر والاسماعيلية خصوصا

في الاول بعتذر ليكم علي ان الموضوع ده حزين بل حزين جدا ليس علي فقط

بل علي كل شاب اسمعلاوي عرف احد الخمسة الشهداء بأذن الله

الذين وافتهم المنية يوم الاثنين الموافق 7\7\2008

اثر حادثة بشعة وأليمة علي طريق مصر اسكندرية الصحراوي

راح ضحيتها 5 شباب من طالبي الكلية البحرية

ويصادف الحظ التعيس لاهالي الاسماعيلية

ان 4 من ضمن الخمسة من ابناء محافظة الاسماعيلية

وهذا لايعني حزن مصر واهلها علي كل الخمسة

وللاسف الشديد انا لم اعرف بالحادثة الا يوم الخميس الماضي

ووقتها لم اعرف من الذين توفوا في الحادثة

وتمنيت من الله وقتها ان لا يكون فيهم احد من اصدقائي في هذه الكلية

ولكن للاسف الشديد جاءني الخبر كالصاعقة الشديدة بعلمي ان نور واحمد كمال واحمد فؤاد

كانوا في العربية وتوفوا علي الفور في الحادثة

والثلاثة من اوائل دفعة سنة 3 بحرية

وللعلم دفعة 3 بحرية بها 4 من اسماعيلية , ولم يعد يتبقي منها غير واحد

وهو اسلام علي الذي لا استطيع ان اوصف لكم مدي حالته الان في هذه الفاجعة

لانهم (اي الاربعة) كان يذهبون سويا طول 3 سنين اللي فاتت مع بعض

فما بالم الان وهو يشاهد نفسه وحيدا بدون اعز اصدقائه ؟!؟!؟!؟

وانا قررت ان اعمل الموضوع ده لان اي حد يعرف 3 دول

كويس لازم يعمل اي حاجه تعرف الناس عنهم وعن ذكراهم

وانا لم اتقابل بنور واحمد فؤاد كثيرا

ولكن احمد كمال (التي صورته في اول الموضوع(

كان معي في المدرسة وصديق قديم

لذلك انا في اشد الحزن علي رحيل هولاء الشباب

وكل اسماعيلية حزينة علي فقدانها لهؤلاء الشباب الذين راحو ضحية الطرق المميتة

وشكرا للقوات المسلحة التي نشرت نعي في نصف صفحة في جريدة الاهرام لهؤلاء الشهداء

في عدد الجمعة الماضي

فتبا لهذا الطريق الذي تهوي فيه الناس الي الهاوية

الخبر الذي افجع شباب مصر والاسماعيلية خصوصا N578672101_1000882_3711

الله يرحمك يا احمد انت وكل اللي كانوا معاك في الحادثة

وفي الجنة شهداء بأذن الله

من طرف A7mad Alkady الأحد يوليو 13, 2008 9:47 pm

والله يا علي فعلا خبر حزين جدا وانا بجد مش مسدأ ان نور اتوفي
بجد كنت بحب الواد دا اوي
هو واخوه شهاب الدين
وربنا بجد يرحمك يا نور انت وصحابك ويغفر ذنوبكم ان شاء الله

من طرف tefa الإثنين يوليو 14, 2008 12:50 am

ربنا يرحمهم

من طرف amira_fahmy الإثنين يوليو 14, 2008 4:07 am

ميرسى ياعلى على الموضوع ده
وانا فعلا زعلت جدا لما عرفت الخبر ده بس اللى مهون عليا انهم يكونوا دلوقتى مع الشهداء فى مالا عين رات ولا اذن سمعت ولا خطر على قلب بشر وخاصه بعد ما عرفت من اختى ان الشهيد (احمد كمال عبد الفتاح) كان معاها فى المدرسه وفى نفس الفصل فى اعدادى وحكتلى عن اخلاقه وذوقه وادبه وحيائه
الله يرحمهم جميعا ويصبر اهاليهم ويرزقهم ويرزقنا الشهاده

من طرف alaa الإثنين يوليو 14, 2008 4:39 am

ربنا يرحمهم يارب ويصبر اهلهم

صعبة اووووووووي الحادثة بشعة وخصوصا إن فيها اتنين اخوات يا عيني علي اهلهم ربنا يتولهم برحمته ويصبرهم ياااااااارب ويبعد عنكوا يا شباب كل سؤء يارب

من طرف aly_eltawargy الإثنين يوليو 14, 2008 6:42 am

A7mad Alkady كتب:والله يا علي فعلا خبر حزين جدا وانا بجد مش مسدأ ان نور اتوفي
بجد كنت بحب الواد دا اوي
هو واخوه شهاب الدين
وربنا بجد يرحمك يا نور انت وصحابك ويغفر ذنوبكم ان شاء الله

والله يا قاضي انا في اشد الحزن علي رحيل الشباب الجمال دول

لانهم بجد كانوا شخصيات يحتذي بيهم في كل حاجه

وبالرغم من اني متعرفتش علي نور الدين الله يرحمه اوي

الا اني وعلي سمع كل اصحابه المقربين كان شخصية رائعة ومحترمة الي اقصي حد

زيه زي احمد فؤاد واحمد كمال الله يرحمهم

من طرف aly_eltawargy الإثنين يوليو 14, 2008 6:56 am

amira_fahmy كتب:

ميرسى ياعلى على الموضوع ده
وانا فعلا زعلت جدا لما عرفت الخبر ده بس اللى مهون عليا انهم يكونوا دلوقتى مع الشهداء فى مالا عين رات ولا اذن سمعت ولا خطر على قلب بشر وخاصه بعد ما عرفت من اختى ان الشهيد (احمد كمال عبد الفتاح) كان معاها فى المدرسه وفى نفس الفصل فى اعدادى وحكتلى عن اخلاقه وذوقه وادبه وحيائه
الله يرحمهم جميعا ويصبر اهاليهم ويرزقهم ويرزقنا الشهاده

شكرا يا اميرة علي ردك

وانا بجد مش عارف اقول ايه لان احمد كمال كان عبارة عن نسمة ماشية علي الارض

عمري في حياتي ما كنت بسمع لي صوت واحنا في الثانوي

وكان علي طول هادي ومحترم الي اقصي درجه في تعاملاته مع كل الناس

ودايما كده للاسف الشديد الاشخاص اللي زي احمد الله يرحمه عمرهم قليل في الدنيا

وانا كان عندي حالة ذهول عند سماعي بوفاة احمد لانه من الشخصيات

اللي صعب تلاقيها في مجتمعنا دلوقتي

الله يرحمك يا احمد ويصبر اهلك وزويك يارب

وفي الجنة مع الشهداء بأذن الله

من طرف aly_eltawargy الإثنين يوليو 14, 2008 7:06 am

alaa كتب:
ربنا يرحمهم يارب ويصبر اهلهم
صعبة اووووووووي الحادثة بشعة وخصوصا إن فيها اتنين اخوات يا عيني علي اهلهم ربنا يتولهم برحمته ويصبرهم ياااااااارب ويبعد عنكوا يا شباب كل سؤء يارب

شكرا يا الاء علي ردك

بس احب اصحح حاجه ان نور الدين واحمد فؤاد ليس اخوات ولكنهم اصحاب عمر

وزملاء كلية واحدة لمدة 3 سنين متتالية

ودي صورة للشهداء الخمسة اللي وافتهم المنية في الحادثة البشعة يوم الاثنين للي فات

حيث يتوسطهم صورة احمد كمال الله يرحمه

الله يرحمكم يا زينة شباب البحرية

وفي جنة الخلد شهداء بأذن الله

واللهم صبر اهلهم وصبرني وصبر كل من اتعامل او عرف هؤلاء الشهداء

من طرف amira_fahmy الثلاثاء يوليو 15, 2008 5:13 am

ميرسى اوى يا على
بس انا عايزه اصحح حاجات انت قولتها ف الموضوع ده
عشان انا كنت شاكه انى اعرف نور الله يرحمه
واتاكدت النهار ده
عشان نور ده يبقى انتيم اخو واحده صحبتى
واسمه احمد علاء وهما 7 من اسماعيليه مش 4 زى ما انت قلت
والحكايه بالضبط
ان هما كانوا مسافرين اسكندريه ونور قال لاحمد علاء يجى معاهم
بس شوف القدر بقه انه بعد ما كان هيروح معاهم باباه قاله ما يروحش ويروح معاه مصر وبعدين يبقى يحصلهم
بس وهو هناك فى مصر عرف ان هما عملوا حادثه وما حدش كان بيرد ع الموبايل
واما وصل لمكان الحادثه عرف ان العحله اللى قدام فرقعت واتقلبت كذا مره وبعدين خبطت فى عمود
وهما كلهم اتنطروا بره العربيه ما عدا احمد كمال اللى كان نايم فى العربيه واما العربيه اتقلبت هو اتخبط فى دماغه فمات على طول
بس
وربنا يصبر اهاليهم يا رب لان اللى انا عرفته ان مامه نور واحمد كمان منهارين جدا
ربنا يصبرهم ويصبر احمد علاء اللى منهار جدا هو كمان
ويجعلهم من الشهداء

من طرف alaa الثلاثاء يوليو 15, 2008 5:52 pm

خلاص بقه كفايةاوووي كده تعبت نفسيا والله إيه النكد ده كان كفاية الخبر اووووووي يا علي من غير صورهم ده الواحد اتقهر عليهم

ربنا يصبر اهاليهم ياااارب ويرحمهم

من طرف aly_eltawargy الأربعاء يوليو 16, 2008 12:20 am

amira_fahmy كتب:
ميرسى اوى يا على
بس انا عايزه اصحح حاجات انت قولتها ف الموضوع ده
عشان انا كنت شاكه انى اعرف نور الله يرحمه
واتاكدت النهار ده
عشان نور ده يبقى انتيم اخو واحده صحبتى
واسمه احمد علاء وهما 7 من اسماعيليه مش 4 زى ما انت قلت
والحكايه بالضبط
ان هما كانوا مسافرين اسكندريه ونور قال لاحمد علاء يجى معاهم
بس شوف القدر بقه انه بعد ما كان هيروح معاهم باباه قاله ما يروحش ويروح معاه مصر وبعدين يبقى يحصلهم
بس وهو هناك فى مصر عرف ان هما عملوا حادثه وما حدش كان بيرد ع الموبايل
واما وصل لمكان الحادثه عرف ان العحله اللى قدام فرقعت واتقلبت كذا مره وبعدين خبطت فى عمود
وهما كلهم اتنطروا بره العربيه ما عدا احمد كمال اللى كان نايم فى العربيه واما العربيه اتقلبت هو اتخبط فى دماغه فمات على طول
بس
وربنا يصبر اهاليهم يا رب لان اللى انا عرفته ان مامه نور واحمد كمان منهارين جدا
ربنا يصبرهم ويصبر احمد علاء اللى منهار جدا هو كمان
ويجعلهم من الشهداء

شكرا يا اميرة علي ردك

بس احب اصحح ليكي انت كمان حاجه مهمة

ان دفعة 3 بحرية اللي رايحين رابعة من مدينة اسماعيلية 6 طلاب وليس 7 وهم :

احمد كمال - احمد فؤاد - احمد علاء - نور الدين - اسلام علي - محمد عزت

وللعلم اسلام علي ده جاري ومن اعز اصدقائي وكان لسه معايا من شويه

وانا مكنتش اعرف احمد علاء ومحمد عزت لان 3 اللي ماتوا في الحادثة كانوا اقرب الي اسلام

من احمد علاء ومحمد عزت

وبرضه لان اسلام واحمد كمال الله يرحمه كانوا معايا في المدرسة

ومن اقرب الناس الي قلبي

واسلام كان رايح معاهم في العربية بس القدر جعله يمكث في اسماعيلية في هذا اليوم

وسواء هذا او ذاك ربنا يرحمهم جميعا ويتغمدهم برحمته

من طرف aly_eltawargy الأربعاء يوليو 16, 2008 12:27 am

alaa كتب:
خلاص بقه كفايةاوووي كده تعبت نفسيا والله إيه النكد ده كان كفاية الخبر اووووووي يا علي من غير صورهم ده الواحد اتقهر عليهم
ربنا يصبر اهاليهم ياااارب ويرحمهم

انا اسف يا الاء علي نشر صور الشهداء

بس اعذريني ده كان واجب عليا واقل حاجه ممكن اعملها

عشان اخلد بيها ذكري احمد الله يرحمه وكل اللي كانوا معاه

وربنا يرحمهم جميعا

من طرف A7mad Alkady السبت يوليو 19, 2008 10:18 pm

انت في قلبي وعقلي يا نوور
ربنا يرحمك يابني والله كنت شخصيه زي العسل طول عمرك انت واخوك شهاب

الخبر الذي افجع شباب مصر والاسماعيلية خصوصا

الخبر الذي افجع شباب مصر والاسماعيلية خصوصا

رد: الخبر الذي افجع شباب مصر والاسماعيلية خصوصا

رد: الخبر الذي افجع شباب مصر والاسماعيلية خصوصا

رد: الخبر الذي افجع شباب مصر والاسماعيلية خصوصا

رد: الخبر الذي افجع شباب مصر والاسماعيلية خصوصا

رد: الخبر الذي افجع شباب مصر والاسماعيلية خصوصا

رد: الخبر الذي افجع شباب مصر والاسماعيلية خصوصا

رد: الخبر الذي افجع شباب مصر والاسماعيلية خصوصا

رد: الخبر الذي افجع شباب مصر والاسماعيلية خصوصا

رد: الخبر الذي افجع شباب مصر والاسماعيلية خصوصا

رد: الخبر الذي افجع شباب مصر والاسماعيلية خصوصا

رد: الخبر الذي افجع شباب مصر والاسماعيلية خصوصا

رد: الخبر الذي افجع شباب مصر والاسماعيلية خصوصا